ДАМБЫР ТАШ
ДАМБЫР ТАШ – элдик ырым; жазгы жалган куран (март) айында, биринчи жолу күн күркүрөгөндө, эгиндин, чөптүн, сүттүн мол болушун тилеп, «жер жарылып көк чык, мал тойгондой көп чык, желин жарылып сүт чык!» деген каалоолор менен чаканы, көнөктү сузгу менен калдыратып, үйдү үч айлана жүгүрүп чыккан. Дамбыр ташты үйдөгү эӊ улуу аялзаты жасаган. Ырымды аткарууда колдонгон идишин жаан басылганча кырчоого илип койгон.
И. Молдобаев.