ДАНКОВ ЧОКУСУ

ДАНКО́В ЧОКУСУ Какшаал тоо тизмегинде. Бийиктиги 5982 м. Үзөӊгү-Кууш суусунун оӊ куй­масы – Чоӊ Туура-Суунун төрүндө жайгашкан. Чоку кесилген конус формасында. Силур, де­вон мезгилдеринде пайда болгон акиташ тоо­тектеринен турат. Түбөлүк кар м-н мөӊгү каптап жатат. 19-кылымдын 70–80-жылдарында Кыргызстандын жерин картага түшүрүүгө катыш­кан орус топографы С. Д. Данковдун ысмы м-н аталган.