ДАРЫЯ АЛАБЫ

Кыргызстан Энциклопедия жана Терминология Борбору дан
07:35, 26 Март (Жалган куран) 2025 карата Temirkan (талкуу | салымы) тарабынан жасалган версия
(айырма) ← Мурунку нускасы | Соңку нускасы (айырма) | Жаңыраак нускасы → (айырма)
Навигацияга өтүү Издөөгө өтүү

ДАРЫЯ АЛАБЫ – дарыя ж-а анын куймала­рынын суулары жыйналган жер бетинин бөлүгү. Дарыя суусун жыйноочу кургактыктын бети алаптын суу топтоочу аянты деп аталат. Дарыя алабы жер үстүндөгү ж-а жер астындагы суу топтоочу аянттардан турат. Жер астындагы алаптын аянтын аныктоо кыйын болгондуктан, Дарыя алабынын өлчөмү катары жер үстүндөгү аянт гана алы­нат. Танапташ жаткан Дарыя алабынын чеги атмосфера­лык жаан-чачынды алардын өрөөндөрүнүн капталдарына карай каршы эки багытка бөлгөн суу бөлгүч кырлар аркылуу өтөт. Дарыя алабынын фор­масы ж-а аянты суу жыйналуучу жердин географиялык абалы м-н рельефине, геологиялык түзүлүшүнө карата ар түрдүү болот.

С. Аламанов.