ДАШКОВА
ДА́ШКОВА Екатерина Романовна [17 (28). 3. 1743, Петербург – 4 (16).1. 1810, Москва] – орус маданий ишмери, княгиня. Екатерина IIни такка олтургузган. 1873-жылдан Петербург академиясынын директору, өз сунушу боюнча орус тилин үйрөнүү, өнүктүрүү үчүн уюшулган Россия академиясынын президенти (1783–1796). Мамлекеттик кызматтагы биринчи аял (такка отургандарды эсепке албаганда). «Собеседник любителей российского слова» (1783–1784) жана «Новые ежемесячные сочинения» (1786–1796) аттуу мезгилдик басылмаларды
негиздеген. Анын демилгеси боюнча орус тилинин түшүндүрмө сөздүгү чыгарылган. 1794-жылы Павел I аны иштен четтеткен. Пётр IIIнүн падышалык мезгили, Екатерина IIнин бийликке келиши, XVIII кылымдын ортосундагы Москва турмушу, орус жана европалык белгилүү ишмерлер жөнүндөгү баалуу маалыматтуу мемуарлары биринчи жолу орус тилинде 1859-жылы Лондондо басылган.
Ч. Жумагулов.