ДЕБЕТ
ДЕ́БЕТ (лат. debеt – ал милдеттүү) – эки тараптуу таблица формасындагы бухгалтердик эсептин сол тарабы. Актив эсебинде Дебет бардык түшүүлөр киргизилүүчү кириш бөлүгүн‚ пассив эсебинде бардык чыгымдар киргизилүүчү чыгыш бөлүгүн түзөт. Дебетте ар айдын башталышында эске алынуучу баалуулуктар ж-а алардын ай ичинде түшүшү көрсөтүлөт. Бухгалтериялык эсептеги ар бир операция бирдей суммада эки жолу: Дебетте ж-а кредитте жазылат.