ДЕБИТОРДУК КАРЫЗ
ДЕБИТОРДУК КАРЫЗ – ишканалар‚ уюмдар‚ мекемелер м-н чарбалык өз ара мамилелердин натыйжасында жеке адамдардан же юридикалык жактардан (дебитордон) алынуучу карыздардын суммасы. Дебитордук карыз ошол чарбалык субьектинин айланмасынан каражаттарынын тиешелүү суммасын алып салууну ж-а аны дебиторлор колдонорун билдирет. Чарбалык иште негизги ишмердиги ж. б. операциялар боюнча нормалдуу (мыйзамдуу) ж-а мөөнөтү өткөн Дебитордук карыз деп бөлүнөт. Мөөнөтү өткөндөн кийин зыян (чыгым) катары эсептен чыгарылат.