ДЕЙТЕРИЙ
ДЕЙТЕ́РИЙ (лат. Deuterum) D, 2Н – суутектин туруктуу изотобу, атмосфералык массасы 2,014. Дейтерий м-н болгон түрдүү бирикмелер «дейтеро» деген сөздү кошуу м-н аталат. Дейтерий саны кадимки суутектин санына салыштырганда өтө эле аз, мисалы, суудагы жалпы суутекке Дейтерийдин катышы 1/7000. Ал келечекте атомдук энергетикада нейтрондорду басаӊдатуучу ж-а термоядролук күйүүчү зат катары кеӊири пайдаланылат. Атомдук реакторлордо Дейтерий (суу м-н бирикмеси) оор суу түрүндө, илимий-изилдөө иштеринде, белгиленген атом түрүндө химиялык көп реакциялардын механизмдерин чечүүдө колдонулат. Аны сууну ректификациялоо жолу м-н алат.