ГАСТРОСКОПИЯ

ГАСТРОСКОПИ́Я(гастро... ж-а ...скопия) – ооз ж-а кызыл өӊгөч аркылуу киргизип, карын көӊдөйүн көрүп изилдөөчү атайын аспап ж-а изилдөө ыкмасы. Ал карындагы патологиялык процесстерди (жара, эрозия, сезгенүү, шишик) аныктоо максатында жүргүзүлөт. Гастроскоп ичинде көптөгөн кыска фокстуу линза ж-а электр лампочкасы бар ийкемдүү түтүктөн туруп, карынга оӊой ж-а коркунучсуз киргизилет. Гастроскопиядан мурда кызыл өӊгөч м-н карынга рентгенологиялык изилдөө жүргүзүлөт.