ДИАЛЕКТ
ДИАЛЕ́КТ (гр. dialektos – сүйлөө, сүйлөшүү) – жалпы элдик тилдин бир бөлүгү, белгилүү бир аймакка тараган тилдик бөтөнчөлүктөр; тилдин кээ бир грамматикалык, фонетикалык ж-а лексикалык өзгөчөлүктөрү м-н айырмаланган түрү. Кыргыз тилинде «түндүк» ж-а «түштүк» деп шарттуу аталган эки Диалект бар. Түндүк Диалектиге: Чүй, Талас, Ысык- Көл, Нарын облустарында, ал эми Түштүк Диалектиге: Ош, Жалал-Aбад, Баткен облустарында ж-а Өзбекстан м-н Тажикстанда жашаган кыргыздардын тили кирет, мисалы, чака (түндүк) – челек (түштүк), чөбөгө (түндүк) – тыбыт (түштүк). Көркөм чыгармада каармандардын образын ачып берүү үчүн колдонулат. Адабий тилдин ж-а ММКлардын өнүгүшү м-н Диалектилик айырмачылык бара-бара жоюлушу мүмкүн.