ДИАЛЕКТОГРАФИЯ
ДИАЛЕКТОГРА́ФИЯ , л и н г в и с т и к а л ы к г е о г р а ф и я – диалектологиянын бир бөлүгү. Диалектилердин таралыш аймагын изилдейт. 19-кылымдын аягы – 20-кылымдын баш ченинен улуттук атластардын түзүлүшүнө байланыштуу өнүгүп келатат. Россияда тилдик көрүнүштөрдү географиялык жактан изилдөө иши 19-кылымдын 2-жарымында башталган. Орус тилиндеги Диалектография боюнча пландуу түрдө даярдалган туӊгуч эмгек – «Орус диалектологиясынын очерки тиркелген орус тилинин диалектологиялык картасынын Европадагы тажрыйбасы» (1915), «Селигер көл аймагынын лингвистикалык атласы» (1949), «Орус элинин Москвадан Чыгышка чейинки борбордук областтарындагы говорлордун атласы» чыккан (1957).