ДИАФИЛЬМ
ДИАФИ́ЛЬМ (грекче dia – бул жерде башынан аягына чейин өтүү деген маани берүүчү сөз алды мүчө жана фильм) – жалпы бир темадагы ак-кара жана түстүү сүрөттөрдөн түзүлгөн кыска метраждуу фильм. Диафильмди фильмоскоптун ичинен же диапроектор аркылуу экранга чагылдыруу менен көрөт. Диафильм окуу куралы катары лекция окуу жана үгүт-насыят иштеринде колдонулат. Диафильмдерди чыгаруу биринчи жолу Москвада 1930-жылы уюшулуп, «Диафильм» студиясында чыгарыла баштаган.
