ДИВИЗИЯ
ДИВИ́ЗИЯ (лат. divisio – бөлүк) – көпчүлүк мамлекеттердеги ар кандай түрдөгү куралдуу күчтөрдүн негизги тактикалык бирикмеси. Дивизия жөө аскер, мотоаткычтык, танкалык, артиллериялык, авиациялык, аба-десанттык ж. б. болуп бөлүнөт. Дивизия бир нече полктон (бригададан) же ар кандай түрдөгү батальондордон, атайын аскерлердин ж-а бөлүктөрүнөн ж-а бөлүмчөлөрүнөн турат. Аскер-деӊиз флотунда Дивизия 1-рангдагы бир нече кемеден же башка рангдагы кемелердин бир нече бригададан же дивизиондон турушу мүмкүн.