ДИГРЕССИЯ
ДИГРЕ́ССИЯ (лат. – чегинүү, өзгөрүү) – адамдын чарбалык иш-аракетинен же чөйрө факторлорунун негизинде экосистеманын абалынын начарлашы. Экзодинамикалык (узак мөөнөттөгү суу каптоо, топурактын 2-жолу туздануусу ж. б. пайда болот), антроподинамикалык (жайытта малды жаюу) ж-а эндодинамикалык (топурактын үстүнкү катмарынын биогендик шор басышы) Дигрессия болуп бөлүнөт. Дигрессиянын акыркы фазасы – экосистеманын талкаланышы же болбосо толук жок болушу.