ДИКИХ
ДИ́КИХ Анатолий Никитич (1937-ж. т., Фрунзе) – геогр. илимд. доктору (1998). 1959-ж. КМУ-нун география ф-тин бүтүргөн. 1959-жылдан Кыргыз ССР ИАнын Тянь-Шань бийик тоолуу физ.-геогр. станциясында лаборант, кенже, улук ил. кызматкер, лабор. башчысы, кийин директору, 1995-жылдан КР УИАнын Геология интунун директорунун орун басары. Эмгектери Кырг−нда, о. эле Россияда (Москва, Санкт-Петербург, Томск ш−нда) ж-а алыскы чет өлкөлөрдө да басылып чыккан. Гляциология, гидрология ж-а климатология б-ча адис. Д. – 95ке жакын ил. эмгектин, а. и. 8 монографиянын автору.
Эмг.: Кыргызстандын бийик тоолуу зоналарынын кар катмары. Ф., 1978; Тянь-Шандын азыркы мөңгүлөрүнүн режими. Ф., 1982; Тянь-Шань мөңгүлөрү. Б., 1995.