ДИКСОН

ДИ́КСОН – Кара (Карск) деңизиндеги арал. Ени­сей булуңунда. Материктен 1,5 км обочо жай­гашкан, Краснояр крайында. Аянты 25 км²дей. Бийикт. 50 мге чейин. Гидрометеорол. станция 1916-жылдан иштейт; анын базасында 1930- жылдарда арктикалык радиометеорол. борбор ж-а геофиз. обсерватория курулган. Аралдагы Дик­сон шаарчасы (теңи материкте жайгашкан) – Түндүк деңиз жолундагы маанилүү порттордун

бири. Аэропорт бар. Орус поморлору 17-к-дын башында ачкан. 1878-ж. саякатчы А. Норден­шельд өзүнүн экспедициясын каражаттаган швед көпөсү Диксондун ысмынан атаган.