ДИЛЕР
ДИ́ЛЕР (англ. dealer – биржалык маклер) – товарларды‚ баалуу кагаздарды‚ валюталарды сатуу-сатып алуу операцияларында ортомчулук кылган юридикалык жак же жеке адам. Д. – фондулук биржанын мүчөсү. Д.‚ эреже катары‚ өз атынан ж-а өз эсебинен операцияларды жасайт. Д. кирешелери ал сатып алган товардын‚ валютанын‚ баалуу кагаздардын бааларынын ж-а алар сатылуучу баалардын ортосундагы айырманын, о. эле валюталардын ж-а баалуу кагаздардын курсунун өзгөрүшүнүн эсебинен түзүлөт.