ДИМЕТИЛАМИН
ДИМЕТИЛАМИ́Н , (СН3)2NH – экинчилик алифаттык амин, түссүз, жагымсыз кескин жыттуу газ. Эрүү t – 92,2°С; кайноо t – 6,9°С, сууда орг. эриткичтерде эрийт, к-талар м-н кристаллдык туздарды пайда кылат. Ө. ж-да метил спиртинен ж-а аммиактан, о. эле формальдегид ж-а хлордуу аммонийден алынат. Д. дары-дармектерди, ракета отунунун компоненттерин (диметилгидразин), вулканизацияны ылдамдаткычтарды алууда ж. б. максаттарга колдонулат. Белок заттарынын чирүүсүнөн пайда болот.