ДИМОРФИЗМ
ДИМОРФИ́ЗМ (ди... – ж-а гр. morphe – форма) – физиол. белгилери б-ча айырмаланган эки форманын болушу. Жаныбарларда көбүнчө жыныстык Д. учурайт. Бир түрдүн особдорунун эркеги м-н ургаачысы морфол. өзгөчөлүктөрү б-ча айырмаланат. Мис., кыргоолдун ургаачысы м-н эркегинин тышкы түспөлү, канаттарынын түсү б-ча өзгөчөлөнүшү. Д-дин пайда болушу жыныстык тандалуу м-н тыгыз байланышта. Д-дин 2 түрү: туруктуу Д. – (короз – мекиян, бугу – марал), мезгилдик Д. – (көбөйүү мезгилиндеги кескин айырмачылыктар белгилүү), мис., көбөйүү мезгилинде балыктардын эркегинин ачык-кооз түскө ээ болушу. Өсүмдүктөрдө да мезгилдик, экол. Д. байкалат.