ДИОРАМА
ДИОРА́МА , д и а р а м а (гр. dif – өтмө аркылуу ж-а hjrama – көрүнүш, оюн) – живописти башка каражаттар м-н толуктаган көркөм сүрөт өнөрүнүн түрү; алдыңкы планга нерселер (курулма, реалдуу ж-а бутафориялык буюмдар) коюлуп, жарым тегерек түрүндө айланта тартылган живопись. Сүрөт жука, арт жагы көрүнүп турган материалга тартылат. Багытты өзгөрткөн учурда ж-а жарыкты күчөткөндө ал өзгөрөт. Биринчи Д-ны 1822-ж. Парижде Л. Ж. Дагер түзгөн. Д. театр-жасалга өнөрүндө колдонулат (көшөгө, сахнанын төрүндөгү жасалгалар, сүрөттөр). Панорама сыяктуу эле Д. кеңири мейкиндик элесин берет ж-а көп учурда баталдык көрүнүштөрдү чагылдырат (мис., М. Б. Грековдун «Ростовду алуу», 1929; П. И. Жигимонттун сүрөттөрү, 1948 ж. б.). Д. чеберлерине Греков атн. Аскер сүрөтчүлөр студиясынын өкүлдөрү (П. Т. Мальцев ж. б.; «Сапун-тоону алуу», 1959; М. И. Самсонов ж. б., «Перекопту алуу», 1961) кирет.