ДИСКЕТА
ДИСКЕ́ТА – магнит дискалуу кассета-конверт. Маалыматтарды ж-а программаларды сактоо үчүн колдонулат. Катуу дискадан айырмаланып ийилгич ж-а жеңил. Бир топ жайыраак иштейт, маалымат аз батат. Негизинен Д. пластмассадан жасалып, эки жагынан магниттик катмар м-н капталат. Д-нын бети кабар сакталуучу бөлүктөргө бөлүнгөн (форматталган). Д. атайы салгычка салынып, компьютерге киргизилет. Компьютер диск салгычтын ичиндеги кыймылсыз магниттик бөрктүн жардамы м-н маалыматты Д-га сактап ж-а окуп берет.