ДИСПАНСЕР

ДИСПАНСЕ́Р (лат. dispensāre – бөлүштүрөм) – оорулуулардын белгилүү тобун дарылоо ж-а ал­дын алуу б-ча жардам көрсөтүүчү, алардын са­ламаттыгына ырааттуу байкоо жүргүзүүчү адис­тештирилген мед. мекеме. Туберкулёзго кар­шы, тери-венерол., онкол., психол.-неврол., кар­диоревмотол. ж. б. Д-лер бар. Алардын макса­ты – өзүнө тийиштүү ооруларды табуу, каттоо­го алуу, дарылоо ж-а байкоо, алардын эмгек, турмуш-тиричилик шарттарын дайыма үйрөнүү ж-а жакшыртуу, о. эле ооруга каршы чаралар­ды иштеп чыгуу. Д-дин адистелишине жараша өзүнүн өзгөчөлүктөрү болот. Туберкулёзго кар­шы диспансер калкты дайыма массалык флю­рогр. текшерүүлөрдөн өткөрүп, оорулуу адамдар­ды каттоого алат. Д-лөө ооруну жаңы баштал­ган кезинде таап, врачтык көзөмөл жүргүзүү; калктын ж-а оорулуулардын айрым тобуна ырааттуу байкоо жүргүзүү; атайын каттоо, дарт­тын кабылдашын алдын алуу, өз убагында да­рылоо; адамдын ден соолугун, эмгекке жарам­дуулугун калыбына келтирүү; Д-дик каттоодо тургандардын өндүрүш ж-а турмуш-тиричилик шартын текшерүү; дарттын көбөйүшүнө шарт түзгөн факторлорду жоюу иштерин камтыйт. Д-дин амбулаториялык адистештирилген каби­неттери, диагноздук лабор-лары ж-а уюштуруу-методикалык атайын кабинеттери, көпчүлүк Д-дин стационары болот.