ДИСПЕРСИЯЛЫК АНАЛИЗ
ДИСПЕРСИЯЛЫК АНА́ЛИЗ – дисперсиялык системадагы заттардын майда бөлүкчөлөрүнүн өлчөмдөрүн, дисперстик даражасын аныктоо методдору. Д. а. седиментациялык, оптикалык ж-а электрондук микроскопия, кондуктометрия, нефелометрия, диффузиялоо ж. б. жолдор м-н жүргүзүлөт. Тоотек, топурак, курулуш материалдары, куйма ж. б. заттар көп касиеттерин дисперстүүлүгүнө жараша өзгөртөт. Д. а. илимдин ж-а өндүрүштүн түрдүү тармактарында системалардын (суспензия, эмульсия, золдор, адсорбенттер ж. б.) дисперстүүлүгүн аныктоодо ж-а топурактын асылдуулугун көтөрүүдө, цементтердин, түрдүү эмульсиялардын сапатын жакшыртууда, жогорку сорттогу куймаларды, синтездик материалдарды даярдоодо ж. б. тармактарда колдонулат.