ДИФОСГЕН

ДИФОСГЕ́Н , CCl₃OCOCl – хлордуу көмүр к-та­сынын трихлорметил эфири; чириген чөп жыт­танган, абада бир аз түтөөчү, кыймылдуу, түссүз оор суюктук. Эрүү t 57°С, кайноо t 128°С. Сууда начар, орг. эриткичтерде жакшы эрийт. Сууда гидролизденет, аммиак ж-а амин м-н активдүү аракеттенип, мочевина же анын бирикмелерин пайда кылат. Д. метилхлорформиатты хлорлоо­дон алынат. Д. өтө уу, тумчуктургуч касиетке ээ. Биринчи дүйнөлүк согушта ууландыргыч зат катары колдонулган.