ДИФФЕРЕНЦИАЛ ТОПОЛОГИЯСЫ
ДИФФЕРЕНЦИА́Л ТОПОЛОГИЯСЫ – топологиянын дифференциалдык көп түспөлдүктөр ж-а дифференциалдык чагылдыруулар теориясынын топол. проблемаларын изилдөөчү бөлүмү. Д. т-ны системалуу изилдөөнү 19-к-дын аягында фр. математик А. Пуанкаре баштаган, бирок ал мезгилде бул программаны иш жүзүнө толук ашыруу мүмкүн эмес болгон. Д. т-ны негиздөө 20-к-дын 30-жылдарында гана ири математиктердин изилдөөлөрү м-н иш жүзүнө ашкан. 20-к-дын 60-жылдарында Д. т-нын ыкмалары аркылуу топологиянын бир катар негизги маселелери чечилди. Чыныгы көп түспөлдүктөрдү мүнөздөөчү класстардын топол. инварианттары аныкталды. Д. т-нын өзгөчө багыттары – геод. көп түспөлдүктөрдүн функционалдарынын экстремалдык теориясы ж-а катмарлар теориясы.
Ад.: Милнор Дж., Уоллес А., Дифференциальная топология. Начальный курс /Пер. с англ. М., 1972.