ДМИТРИЕВ
ДМИ́ТРИЕВ Николай Михайлович (19.12. 1917, Оренбург обл., Новоорск р-ну, Кумак кыш. –

19.12.1981, Саранск) – Сов. Союз. Баатыры (1941), запастагы майор (1959). Оренбург финансы техникумун (1933), Ленинград артиллериялык окуу жайын (1945) бүтүргөн. 1939-ж. Сов. Армиянын катарына чакырылганга чейин, Фрунзе ш-ндагы «Эт даярдоо» ишканасында башкы бухгалтер болуп иштеген. 1941-ж. 10-июлда Белоруссиядагы Борисов ш-нын жанындагы урушта душмандардын 2 танкасын талкалап, өзү оор жарадар болсо да, үчүнчү танканы кыйраткан. Бул эрдиги үчүн 8* кырг-ндык жоокерлердин ичинен Сов. Союз. Баатыры наамы биринчи ыйгарылган. Согуштан кийин Саранск ш-нда жашап, «Электр түзөткүч» з-дунда иштеген. Саранскидеги бир көчөгө анын мемориалдык тактасы орнотулган. Ленин, Кызыл Жылдыз, «Ардак Белгиси» ордендери ж-а медалдар м-н сыйланган.