ДНЕСТР

ДНЕСТР – Чыгыш Европадагы дарыя. Украина ж-а Молдованын аймагы м-н (айрым бөлүгү эки респ-нын чек арасы аркылуу) агат. Уз. 1352 км, алабынын аянты 72,1 км². Кара деңиздин Днестр лиманына куят. Жогорку агымында – тоо да­рыясы, Галич ш-нан ылдый агымы жайлап, тө­мөнкү агымы Кара деңиз бою ойдуңундагы жа­йык өрөөн аркылуу агат. Негизги куймалары: Стрый, Реут (оң), Сереет, Збруч (сол). Суусунун орт. чыгымы Бендеры ш. тушта 310 м³/сек. Жа­йында кирет. Айрым жылдарда тоңот. Д-де Ду­боссары ГЭСи ж-а суу сактагычы курулган. Су­гатка, сал агызууда (жогорку агымы) пайдала­нылат. Сороки ш-нан Дубоссары ГЭСине чейин үзгүлтүсүз кеме каттайт. Боюнда Могилёв-По­дольский (Украина), Сороки, Рыбница, Бенде­ры, Тирасполь (Молдова) ш. жайгашкан.