ДОЗАТОР

ДОЗА́ТОР , д о з а л а г ы ч – суюк ж-а чубурма материалдарды белгилүү өлчөмдө же көлөмдө автоматтык түрдө үлүштөп өлчөөчү түзүлүш. Д. салмактык ж-а көлөмдүк болуп айырмаланып, материалдын масса бирдиги (кг) ж-а көлөм бирдиги (м³) м-н берилет. Д-дун өндүрүмдүүлүгү масса (көлөм) бирдигинин убакыт бирдигине болгон катышы (кг/с же м³/с) м-н туюнтулат. Д-лор кол м-н ж-а автоматтык башкарылып, үзгүлтүктүү ж-а үзгүлтүксүз иштейт. Д-дун тиби технол. процесске ж-а материалдын касиетине жараша тандалат. Иштөө шартына ж-а өлчөнө турган материалдардын түрүнө карата бир ком­поненттүү ж-а көп компоненттүү Д-лор колдо­нулат. Д. курулуш материалдарын өндүрүүдө, металлургияда, тамак-аш, хим., фармацевтика өндүрүшүндө ж. б. тармактарда, соода тарма­гында, лабор. иштерде пайдаланылат.