ДОЗОР
ДОЗО́Р , т о з о т – согуш шартында бөлүктөр м-н бөлүкчөлөрдүн чалгындоочу же кайтаруучу тобу. Д. жөө аскерлерде 2–3 жоокерден 1–2 бөлүмгө же моторлоштурулган бир взводго, же бир танкалык взводго чейин болот. Мындан тышкары адистештирилген аскерлерден инж. ж-а хим. чалгындоочу Д. да жиберилет. Д. душман күчү ж-а анын капысынан кол салышы ж-дөгү маалыматтарды берет. Д-дун жакын же алыс барышы анын курамына, милдетине ж-а согуштук шартына жараша болот.