ДОЙРА
ДОЙРА – өзбек, тажик ж-а уйгур элдеринин урма муз. аспабы. Өзбекстан, Тажикстанга ж-а Закавказье респ-ларына кеңири тараган. Алкагы жыгачтан жасалып (диаметри 400 мм), анын
ички бетине металл шакекчелер тагылат. Алкактын бир жагы жаргак м-н капталат. Д-ны манжа м-н уруп ойногондо алкак ичинде кадалган металл шакекчелерден ар кыл тембрдеги үн чыгат. Д. эл аспаптар оркестринде ж-а ансамблдерде колдонулат. Эл бийлери да көбүнчө Д. м-н коштолот.