ДОМЕНДЕР

ДОМЕНДЕР – электрмагнит же серпилгич ка­сиеттери же бөлүкчөлөрдүн жайланыш тартиби м-н айырмалануучу хим. жактан бир тектүү чөй­рөлөр. Алар бир нече түргө бөлүнөт. 1) Ф е р­р о м а г н и т т ү ү Д. – ферромагнит крис­таллындагы (туурасынан кесилиш өлчөмү 10^–5– –10^–2 см) атомдук магнит моменттери жарыш багытталган, б. а. Д-де өзүнөн өзү магниттешүү жүргөн бөлүгү. Ал Кюри темп-расынан төмөн болгондо пайда болот. 2) С е г н е т-э л е к т р­д ү ү Д. – сегне-электриктерде өзүнөн өзү по­лярлануучу бөлүгү (10^–5–10^–3 см). Сырткы электр талаасы жок учурда сегнет-электриктердин

полярланышы анын негизги өзгөчөлүгү. 3) Г а н н­д ы к Д. – күчтүү электр талаасынын бөлүгү. Ал белгилүү шартта гана терс дифференция­лык каршылыктуу жарым өткөргүчтө пайда болот.