ДОМИНИКА РЕСПУБЛИКАСЫ

ДОМИНИ́КА РЕСПУБЛИКАСЫ – Вест-Индия­дагы мамлекет, Гаити а-нын чыгыш бөлүгүндө. Түндүгүнөн Атлантика океаны, түштүгүнөн Ка­риб деңизи чулгап жатат. Чыгышынан Пуэрто-

Рикодон Мона кысыгы бөлүп, батышынан Гаи­ти Респ-касы м-н чектешет. Аянты 48,4 миң км². Калкы 8,6 млн (2005). Борбору – Санто- Доминго ш. (калкы 2,6 млн. Д. Р. 26 провинци­яга ж-а улут округуна бөлүнөт.

Мамлекеттик түзүлүшү

. Д. – унитардык мам­лекет. Башкаруу формасы – президенттик рес­публика. Мамлекет ж-а өкмөт башчысы – пре­зидент. (2004-жылдан Л. Фернандес). Мыйзам чыгаруу бийлигинин жогорку органы – эки па­латалуу Улуттук конгресс (Депутаттар пала­тасы ж-а Сенат). Саясий партиялары: Рефор-

мисттик социал-христиан партиясы, Домини­ка рев-ялык партиясы, Доминика боштондук партиясы, Көз каранды эмес рев-ялык партия.

Табияты

. Гаити а. тоолуу; тоолору терең өрөөн­дөр ж-а туюк ойдуңдар м-н бөлүнгөн. Эң бийик Кордильера-Сентраль (Сибао) тоолорунун орт. бийикт. 2400–2750 м; анын борб. бөлүгүндө өлкөнүн эң бийик жери – Дуарте тоосу жай­гашкан, бийикт. 3175 м. Бул тоолордун түн. ураган маалына дал келет; жылдык орт. өлчөмү 1000–1500 мм, тоолордун айдарым түш.-батыш капталдарында 2000 ммден ашык. Мындагы нымдуу тропик токою (кызыл ж-а кампеш тип­теги дарактар) өйдөлөгөн сайын ийне жалбы­рактуу токойго өтөт. Кургакчылараак түш. кап­талдарында аралаш токой өсүмдүктөрү кезде­шет. Табигый өсүмдүктөр өлкөнүн кыйла бөлү­гүндө жок болуп кеткен; мурдагы жерг. өсүм­дүктөрдүн калдыгы дарыя жээктериндеги саван­на ж-а жыш токой түрүндө сакталган. Түштү­гүндө тикендүү бадалдар ж-а зор кактустар өсөт.

Калкынын

75%ке жакыны мулаттар, 10% негрлер, 15% европалыктар. Акча бирдиги – пе­со. Мамл. тили – испан тили. Дини – като­лицизм. Шаар калкы 40% (1970). Ири шаар­лары: Санто-Доминго (калкы 2,6 млн), Сан­тьяго (5 миңдей), Сан-Франсиско-де-Макорис

Айыл чарбалуу пейзаж.

тарабында калк жыш отурукташкан, жери күр­дүү, Сибао өрөөнү 240 кмге созулуп жатат. Жээк бөлүктөрүн да кууш түздүктөр ээлейт. Гаити а-нын чыгыш бөлүгүндө акиташ тегинен түзүл­гөн зор плато жайгашкан, ал Кариб деңизин карай жантайыңкы. Мында өлкөнүн эң зор түздүгү ж-а борбор шаары – Санто-Доминго жай­гашкан. Түштүгүндөгү Кюльде-Сак ойдуңу жа­кынкы эле геол. мезгилде деңиз булуңу болгон; анын бир бөлүгү деңиз деңг. төмөн жайгашкан, андагы туздуу Энрикильо көлүнүн бети деңиз деңг. 44 м төмөн жатат. Климаты тропиктик, пассаттык, кышы кургакчыл, жайы нымдуу. Айлык орт. темп-расы (1000 м бийиктикте) 24– 29°С. Жаан-чачыны көбүнчө жайдын аягында,

Ла-Романа курорт шаарынын деңиз жээгиндеги паль­малуу пляжы.

Сантьяго-Де-Лос-Кабальеро шаары.

(1,8 миң), Сан-Педро-де-Макорис (2,2 миң), Ба­раона, Ла-Романа (1,7 миң) ж. б. ББУ, ЭВФ, Америка өлкөлөрү уюму, Бүткүл дүйнөлүк банк ж. б. уюмдардын мүчөсү.

Тарыхы

. Гаити а-н байыркы мезгилдерден ин­дей уруулары жердеп, алар аралды Гаити деп аташкан. Гаити а. Х. Колумб тарабынан 1492-ж. ачылып, Эспаньола («Кичи Испания») деп ата­ган. 15-к-дын аягында аралдын чыгыш бөлүгү (азыркы Д. Р-нын аймагы) Испаниянын коло­ниясына айландырылган. Испан колониячыла­ры жерг. уруулардын көпчүлүгүн кырып жок кылган. 1496-ж. испандыктар аралда Санто-До­минго-де-Гусман ш-н курушкан. 1697-ж. арал­дын батыш бөлүгү Францияга берилген, ал эми чыгыш бөлүгү Испаниянын бийлиги астында калган. 1795-ж. арал толугу м-н Франциянын көзөмөлүнө өтүп, 1808-ж. кайрадан испандык­тарга кайтарылган. 1810–26-ж. Америкадагы ис­пан колонияларынын көз каранды эместиги үчүн согуштун натыйжасында, 1821-ж. Санто-Домин­го көз каранды эместигин жарыялайт, бирок 1822-ж. ал Гаити респ-нын курамына киргизи­лет. Боштондук үчүн күрөштүн натыйжасында, 1844-ж. Д. Р-нын көз каранды эместиги жарыя­ланып, конституция кабыл алынган. Генерал

Педро Сантана президент болуп шайланган. 1861-ж. Д. Р-н кайрадан Испания басып алган. 1865-ж. гана өлкө испан эзүүсүнөн толук кутул­ган. 1916–24-ж. Д. Р. АКШ тарабынан окку­пацияланган. 1930-ж. АКШнын колдоосу м-н Р. Л. Трухильонун диктатордук режими орно­тулган. 1961-ж. Трухильо өлтүрүлгөндөн кийин, 60-жылдардын ортосунда өлкөдө диктатураны колдоочулар м-н демокр. күчтөрдүн ортосунда узакка созулган күрөш жүргөн. 1965-ж. АКШ куралдуу интервенция жасоого аракеттенген. 1966-ж. Реформисттик социал-христиан партия­сы бийликке келген. 1994-ж. шайлоодо Лео­нель Фернандес президент болуп шайланган. Ал өлкөдө демокр. реформаларды баштаган.

-ж. экинчи мөөнөткө шайланган. 1998-ж. майда Улуттук конгресске шайлоолордо Д. рев-ялык партиясы жеңишке жетишкен.

Экономикасы

. ИДП 1996-ж. 12,4 млрд доллар­ды түзгөн, киши башына бөлүштүргөндө 1600 доллардан айланат. ИДПнин 13%ин а. ч., 24%ин ө. ж-ы берет; андагы инвестициянын үлүшү 20%; анын ³/ үн ички топтомдон, калганы чет элдик кредиттен каржыланат. Өлкөнүн экономика­сында а. ч-нын үлүшү төмөндөп (1960-ж. а. ч­нда калктын 60% иштесе, 1994-ж. 32%ке чей­ин азайган), ал эми казып алуу ө. ж. м-н ту­ризм өнүгүүдө. Дыйкандардын көбүнүн 2 гектар­га чейин гана жери бар. Айдоо жердин жары­мына жакыны мамлекетке таандык, ал эми бал камыштын ири плантацияларына жерг. байлар ж-а АКШнын «Галф энд уэстерн корпорейшен» компаниялары ээлик кылат. Башкы а. ч. өсүмдүгү – бал камыш; о. эле маанилүү экспорт­тук өсүмдүктөргө – кофе ж-а шоколад даракта­ры, жер жемиш ж-а тамеки кирет. Ички керек­төө үчүн шалы, буурчак, маниок ж-а банан өстү­рүлөт. Уй, чочко ж. б. үй жаныбарлары асыра­лат. Жээк сууларынан чакан кемелер м-н балык кармашат. Токойду кыюуга тыюу салынган.
Д. Р-нын аймагында бокситтин, никелдин (чет өлкөлүк компаниялардын карамагында), ал­тындын, күмүштүн чамалуу запасы бар. О. эле жез, кайнатма туз кендери казылып алынат.

Самана бухтасынын жээгиндеги Гран-Байе отели.

Доминика Республикасынын акчасы. Тоо-кен ө. ж. экспорттук кирешенин маанилүү булагы болуп саналат. 1981-ж. Бараон ш-на жа­кын нефть кени ачылган. Өлкөнүн бүт электр станцияларынын кубаттуулугу 2454,4 миң кВт; анын 14%ин ГЭС, 62%ин нефть м-н иштеген ЖЭС өндүрөт.
Иштеп чыгаруу ө. ж-нын ²/ си а. ч. сырьёсун иштетет. Кийим, цемент, картон ички рынок­тун муктаждагын камсыз кылат. Спорт товар­ларын да чыгарат. Телекоммуникация система­сы, туризм ж-а курулуш ыкчам өнүгүүдө. Өлкөдө 7 эркин ө. ж.-экон. зонасы түзүлүп, анда кийим­кече, электр товарлары, бут кийим даярдалат. Ички жүктөрдүн дээрлик бардыгы автомобиль жолу м-н ташылат, анын уз. 12,3 миң км. Жал­пы уз. 12 км т. ж-до негизинен кант ташылат. Эл аралык 2 аэропорту бар (Пуэрто-Плато, Сан­то-Доминго ш-нда) бар; Санто-Доминго – өлкө­нүн негизги деңиз порту. Өкмөттүн көзөмөлүн­дөгү 150 радиостанция ж-а телестанция иштейт.
Өлкөнүн сырткы соодасынын жалпы көлөмү ИДПнин 50%тейин түзөт. Экспорту негизинен минералдык сырьёлорду ж-а а. ч. продукция­ларын камтыйт. Кант экспорттук кирешенин 20%ин, калгандарын алтын, күмүш, никель, боксит, кофе, какао, фурфурол (эритме), таме­ки, жеңил ж-а электр-тех. ө. ж. продукцияла­ры түзөт. Негизги импорту – нефть (Венесуэла ж-а Мексикадан алат), о. эле азык-түлүк, хим. продуктулар, автомобиль, электр-техникасы. Не­гизги соода шериги – АКШ, ага импорттун ¹/ , экспорттун ²/ си туура келет.

Маданияты

. Д.Р-нда 1951-ж. балдардын мил­деттүү окуусу ж-дө мыйзам кабыл алынганына карабастан, калктын 32% сабатсыз. Балдар 7– 14 жашка чейин мектепте окушат. Өлкөдөгү ири ун-т Санто-Домингодо семинариянын базасын­да 1538-ж. ачылган. Мадре-и-Маэстро католик ун-ти Сантьяго ш-нда 1962-ж. негизделген. Учур­да Д.Р-нда 8 ун-т бар, аларда 90 миңге жакын студенттер билим алышат. Ири китепканала­ры ж-а музейлери: Санто-Доминго ун-тинин ки­тепканасы (1538), Улуттук китепкана, Улуттук музей (1927), Санто-Доминго улуттук асем өнөр музейи (1943).
Ад-ты негизинен испан тилинде өнүгүүдө. Ага Ф. М. Монте (1819–99) негиз салган. Д. Р-нын ад-тынын өз алдынчалыгын аныктоо максатын­да жазуучулар жерг. эл (индейлер) ж-дөгү эс­керүүлөргө кайрылышкан. М. де Гальван (1834– 1911) испандардын Вест-Индияны каратуудагы тарыхынан алып, «Энрикильо» романын жаз­ган. 20-к-дын баш ченинде ад-тагы модернизм О. Базиль (1884–1946), А. Лугонун чыгармала­рынан көрүнөт. АКШ аскерлеринин Д. Р-н окку­пациялашы (1916–24) ад-та каршылык көрсө­түү мотивдерин күчөтөт. А. Ф. Рекенанын (1908– 52) «Жер душманы» (1936), «Алоолонгон сапар» (1941), «Бейит белгиси жок көрүстөн» (1949), Р. Марреро Аристинин «Ашыкча пайда» (1939) романдарында ошол мезгилдеги татаал жаг­дайлар чагылдырылган. Доминика жазуучу­ларынын ичинен Энрикес Уреньялар да кеңи­ри белгилүү. Саломе Уренья де Энрикес (1850– 97) аялдардын пед. курсун, аялдар үчүн алгач­кы жогорку билим берүү борборун уюштур­ган. Анын уулдары Педро Энрикес Уренья (1884– 1946), Макс Энрикес Уренья (1885–1968) мад-т тарыхына арналган чыгармаларды жара­тышкан. 16-к-га чейин өлкөдө индейлердин иск-восу өнүгүп келген. 15-к-дын аягы–16-к-дын башында испандар соңку готика ж-а кайра жаралуу доо­рунун стилинде Санто-Доминго ж. б. шаарларды курушту. 20-к-дан имараттар ж-а айрым ра­йондор АКШ арх-расынын үлгүсүндө курула баштаган. Д. Сура, Х. Кольсон, Х. Энандес Ор­тега ж. б. сүрөтчүлөрдүн чыгармаларында ев­роп. ж-а амер. модернисттик агымдардын таа­сири бар. Улуттук реалисттик образдар С. Вос­и-Хиль, А. Бонилья, Х. О. Морель ж. б. живо­писчилердин чыгармаларында түзүлгөн.

Ад.: Кремер Т. И. Доминиканская Республика. М., 1980; История Латынской Америки. М., 1979; т. 2, М., 1982.