«ДОРДОЙ»
«ДОРДОЙ» – көп тармактуу жеке менчик компания. 1991-ж. «Дордой» базары катары негизделген. Бишкек ш-нын түн. чекесинде жайгашкан. 100 гадан ашык аянтты ээлейт. Базарда 30
миңден ашуун адам эмгектенет. «Д.» базары респ-нын казынасына жылына 100 млн сом көлөмүндө салык төлөйт. Ал соода-сатык иштери м-н катар эмерек‚ пластик ж-а аллюминий буюмдарын‚ курулуш материалдарын жасоо‚ жүргүнчүлөрдү ж-а жүктөрдү ташуу‚ мед.‚ консалтинг ж-а юрид. кызмат көрсөтүү б-ча‚ о. эле туристтик ж-а оюн-зоок комплекстери бар ассоциацияга айланды. «Д-дун» респ-нын региондорунда структуралары бар. Бишкекте «Дордой плаза»‚ «Дордой моторс» соода үйлөрү‚ «Ала- Тоо»‚ «Октябрь»‚ «ВЕФА» кинотеатрлары‚ Нарын ш-нда Арт-галерея‚ «Плаза» соода борбору‚ Ысык-Көлдө «Дордой» пансионаты‚ Нарын облнун Ат-Башы р-нундагы «Кошой-Коргон» тары-
хый-маданий музей-комплекси‚ «Плаза» соода борбору‚ Чүй облусунун Аламүдүн р-нундагы «Кой-Таш» туристтик комплекси иштейт. Ассоциация адамдарга кайрымдуулук колдоо көрсөтүүгө‚ «Дордой-Динамо» командасын, «Көкбөрү» улуттук оюндар клубун финансылоого‚ мад-т ж-а иск-во‚ ад-т‚ медицина‚ билим берүү‚ спорт ишмерлерин финансылык колдоого ж. б. иш-чараларга жылына млндогон сом сарптайт. Жай мезгилинде «Дордой» пансионатында көп балалуу‚ жакыр үй-бүлөлөрдүн 400дөн ашуун балдары бекер эс алып‚ ден соолугун чыңдашат. «Д.» Кытай‚ Түркия‚ Венгрия‚ Финляндия‚ Швейцария‚ Америка сыяктуу өлкөлөрдөгү өнөктөрү
м-н тыгыз байланышта иштеп‚ эл аралык кызматташууга да өз салымын кошууда. «Шоро» фирмасы м-н бирге Кытайда улуттук суусундук чыгаруучу комбинатты курду. Элибиздин маданий‚ тарыхый мурасын сактоо максатында Ормон хан‚ Тайлак баатыр‚ Муса Баетов‚ Ажыбек баатыр‚ Казыбек казалчы ж. б. белгилүү инсандардын мааракелерине карата алардын айкелдерин тургузуу‚ китептерди чыгаруу‚ конф-яларды өткөрүү‚ о. эле «Кошой-Коргон» комплексинде археол. изилдөөлөрдү жүргүзүү иштерин финансылаган. ЖОЖдордо «Д-дун» атайын стипендиясын алып окуган студенттердин саны өсүүдө.