ДОЦЕНТ
ДОЦЕ́НТ (лат. docēns – окутуучу, үйрөтүүчү) – ЖОЖдордун окутуучуларынын ил. наамы же ээлеген кызматы. Россияда Д. наамы 1863-ж. киргизилген (магистрлик даражасы бар мугалимдерди Д. дешкен). КРде Д. наамы жогорку окуу жайынын окумуштуулар кеңешинин сунушу б-ча конкурстан өткөн илимдин докторлоруна, кандидаттарына Кыргыз Респ-нын Улуттук аттестациялык комиссиясы тарабынан берилет. Кээде атайын пед. стажы, ил. эмгектери, ойлоп табуулары бар, бирок ил. даражасы жок жогорку квалификациялуу эл чарба адистерине да Д. наамы ыйгарылат.