ДӨҢБАЕВ
ДӨҢБАЕВ Жеңиш (12. 07. 1945-ж. т., Талас р-ну, Кең-Арал айылы) – спортчу, СССР спортунун эркин күрөш б-ча чебери (1967), эмг. сиң. машыктыргыч (Кыргыз ССРнин, 1985; СССРдин, 1991), Кыргыз Респ-нын мад-тка эмг. сиң. кызматкери (2002). Респ-нын бир нече жолку, «Буревестник» спорт коомунун борб. кеңеши м-н СССР профсоюздарынын 9-спартакиадасынын (1969) чемпиону. ФПИни бүтүргөн (1969). 1969–72-жылдары эркин күрөш б-ча СССР курама командасынын мүчөсү болгон. 1970–91- жылдары Респ-нын спорт мектептеринде күрөш б-ча машыктыргыч болуп эмгектенген. 1991–96-ж. Респ-нын эркин күрөш б-ча улуттук курама командасынын улук машыктыргычы, 1996–99-ж. аны жетектеген. 1999-жылдан адистештирилген «Олимпия резерви» мектебинин директору (күрөш ж-а бокс б-ча). Ал ондогон чебер балбандарды (К. Өмүралиев, Ч. Изабеков, Н. Изабеков, И. Тазабеков, М. Бобурбеков, А. Төрөгелдиев ж. б.) даярдап чыгарган.