ДУАЛДЫК БАШКАРУУ
ДУАЛДЫК БАШКАРУУ (лат. dualis – эки тараптуу) – автоматтык башкаруу формасы. Мында башкаруу эки тараптуу болуп, башкарылуучу объектини изилдөө ж-а аны керектүү (оптималдуу) абалга келтирүү үчүн кызмат кылат. Д. б. объектинин кыймыл ылдамдыгы белгисиз, о. эле башкаруунун оптималдуу алдын ала эсептөөгө баштапкы маалымат жетишсиз болгон учурда колдонулат. Д. б. тармагында башкаруу объектисинин капысынан өзгөрүүчү мүнөздөмөсүн активдүү изилдөө каралган. Бул учурда объектинин кире беришине үйрөнүлүүчү аракеттер берилет, ал эми объектинин реакциясы башкаруучу түзүлүш аркылуу анализделет. Ошондуктан башкаруучу аракеттер объектини башкаруу гана эмес, бир эле убакта изилдөө үчүн колдонулат. Д. б. теориясы сов. окумуштуу А. А. Фельдбаум тарабынан 1950-жылдардын аяк ченинде иштелип чыккан. Ө. ж-дагы экстремалдуу жөндөгүчтөр, автоматтык оптималдагычтар Д. б. системасына кирет.