ДҮҢ БАА
ДҮҢ БАА – товарларды ири партия м-н ишканаларга‚ фирмаларга‚ сатуучу ж-а ортомчу уюмдарга‚ дүң соода ж-а сатуучу компанияларга сатуудагы баанын бир түрү. Д. б. б-ча продукцияларды ж-а кызмат көрсөтүүлөрдү ишканалар өз ара ж-а жабдуу-сатуу органдары аркылуу сатышат. Ө. ж. Д. б-сы ишкананын Д. б-сынан тышкары өзүнө жабдуу-сатуунун кошумчаланган баасын‚ керектөө товарлары б-ча бюджетке алынуучу жүгүртүү салыгын да камтыйт. Чет өлкөлүк тажрыйбада Д. б. товар даярдоочулар м-н дүң соода фирмаларынын ортосунда‚ о. эле дүң ж-а чекене соодагерлердин ортосундагы жүгүртүүдө пайдаланылат. Эл аралык соодада адатта ички Д. б-нын деңгээлинен төмөнүрөөк деңгээлдеги экспорттук (импорттук) Д. б. б-ча ишке ашырылуучу дүң операциялар үстөмдүк кылат.