ДОБАЕВ
ДОБАЕВ Кыргызбай Дүйшенбекович (15. 9. 1954- жылы туулган, Ысык-Көл облусу, Ак-Суу району, Соколовка айылы) – педагог, педагогика илимдеринин доктору (1999), профессор (2011).
Москвадагы В. И. Ленин атындагы мамлекеттик педагогикалык университетинин филология факультетин бүтүргөн (1980). Москва шаарындагы Россиянын билим берүү академиясынын аспирантура бөлүмүн аяктаган (1987). Москва шаарында педагогика илимдеринин кандидаты илимий даражасын изденип алуу үчүн жазган диссертациясын коргоп, педагогика илимдеринин кандидаты илимий наамына ээ болгон. (1987) ЫМУда окутуучу, кафедра башчысы, декан (1980–2001), КУУнун окуу бөлүмүнүн башчысы, илимий иштер боюнча проректор болуп эмгектенген. (2001–2003). Кыргыз Мамлекеттик юридикалык академиясынын (КГЮА) окуу-инспекциялык башкармалыгынын башчысынын кызматында эмгектенген. (2003-2004). Билим берүүдөгү стратегиялык жана информациялык технология институтунун (ИСИТО) окуу иштери боюнча проректорунун кызматында эмгектенген. (2004-2009). 2005-жылдан азыркы мезгилге чейин Кыргыз билим берүү академиясынын “Педогогикалык илимдер жана кесиптик билим берүү” борборунун директору болуп эмгектенет. Билим берүүнү рефармалоонун маселелери боюнча республикалык басма сөз беттеринде 30дан ашуун газеттик макалалардын жана 180 ден ашуун жарык көргөн илимий эмгектердин автору. Атайын окуу курстарын иштеп чыккан:
«Мектептеги азыркы инновациялык технологиялар» («Современные инновационные технологии в школе»)
«Окуу процессиндеги интерактивдик технологиялар» («Интерактивные технологии в учебном процессе»)
«Кыргыз мектебинде орус тилин окутуунун лингвистикалык негиздери» («Лингвистические основы обучения русскому языку в кыргызской школе»)
«Орус тилдүү мектепте кыргыз тилин окутуунун лингвистикалык негиздери» («Лингвистические основы обучения кыргызскому языку в русскоязычной школе»)
Эмг.: Мектептеги азыркы инновациялык технологиялар Б., 1977; Кыргыз тилин өзгө тил катары окутуунун усулу. Б., 1993; Билим берүү процессиндеги интерактивдүү окутуу. Б., 1999; Кыргыз тилинин лексикалык минимум-сөздүгү. Б., 1991; Кыргыз тили орус группалары үчүн. Б., 1993. Вуз - не ликбез для лоботрясов Слово Кыргызстана. 2001 г. Всеобщее среднее просится в отставку Слово Кыргызстана. 2002 г; Я бы в школьники пошел Вечерний Бишкек. 2002; О государственных образовательных стандартах Кут билим 2002; Почему не хватает учителей при избытке дипломированных педкадров Кут билим 2007; Бизге атаандаштыкка жөндөмдүү кесип ээлери керек. журнал «Шоокум» 2007;
Б.Сурапбаева.