ДИНОЗАВРЛАР
ДИНОЗАВРЛАР (Dinosauria) – сойлоочулардын тукум курут болгон, саны эң көп түркүмү. Динозаврлардын алгачкы түрү орто триас мезгилинде, акыркы түрү бор мезгилинин аягына чейин жашаган. Узундугу 25 мге жеткен. Динозаврлардын түпкү теги – триастык архозаврлар-текодонттор болгон. Айрымдары (жырткыч динозаврлар, орнитоподдор) эки буттап, башкалары (стегозаврлар, мүйүздүү динозаврлар) төрт бут-
тап баскан. Динозаврлардын бир нече жүз түрүн бириктирген 2 түркүмү – кескелдирик учалуу (апатозаврлар, диплодок) ж-а куш учалуу динозаврлар (игуанодонттор, өрдөк тумшук динозаврлар, стегозаврлар, заурлоф) болгон. Алар кургакта, кээ бири сууда жашаган.