ДОХА
ДО́ХА – Катар мамлекетинин борбор шаары. Түштүк-Батыш Азияда, Катар жарым аралында. Перс булуңундагы порт. Калкы 1 186 023 (2020). Эл аралык аэропорту бар. Б. з. 7-кылымында Араб хали-
фатынын курамында, 13–14-кылымдарда Бахрейн эмирлери башкарып келген, 16-кылымда Португалиянын, 1872-жылдан Оттоман империясынын курамына кирген. 1971-жылга чейин Улуу Британия протектораты. Металл иштетүү, цемент, тамак-аш өнөр жай ишканалары иштейт. Кустардык кол өнөрчүлүк өнүккөн. Балык кармалат. Бермет чогултулат. Университет, педагогикалык институт, музейлер (улуттук, этнографиялык) бар. Архитектура эстеликтери сакталган. 2007-жылы Дохада ХХ Азия чемпионаты өткөрүлгөн.