ДРЕЙК

ДРЕЙК (Drake) Фрэнсис (1540, Девоншир граф­тыгы, Тейвисток – 28. 1. 1596, Панама, Порто- Белього жакын) – англиялык деңиз сүзүүчү, вице-ад­мирал (1588). Деңиз каракчыларынын Вест-Ин­дияга экспедициясын жетектеген. 1556-жылы Гви­неядан Түштүк Америкага кулдарды ташыган. 1567–77-жылдарда бир нече жолу Вест-Индияга деңиз жүрүштөрүн жасаган. 1577–80-жылдарда дүйнөнү 2-жолу айланып сүзүп (Ф. Магелландын экспедициясы­нан кийин), Оттуу Жер архипелагы м-н Түштүк Шетленд аралынын ортосунда Тынч ж-а Атлантика океандарын туташтырган кысык бар экенин айткан. Кийинчерээк ал кысык анын ысмы­нан аталган. Түштүк Америка материгиндеги От­туу Жер архипелаг экенин далилдеген. 1588-жылы Испаниянын «Жеңилбес армадасын» талкалоо­до англиялык флотту жетектеген.