ДРОМОС
ДРО́МОС – 1–5-кылымдарда Евразия чөлкөмүндө жашаган көчмөн уруулардын көрлөрүндөгү катакомба ж-а подбой казанактарына алып баруучу айдөш казылган жабык коридор. Дромостордун узундугу 4–6 мге чейин жетип, жер алдындагы эңкейиш жасалган узун коридорлор аркылуу сөөктү казанакка (катакомбага) алпарып коюу үчүн ылайыкташтырылган. Байыркы Дромостор Грекиянын Эгей ж-а Этрус маданиятынын табыт коюлуучу жайларынан кездешкен. КМШда Кара деңиздин түндүк жээктеринде, Ташкент ж-а Бухара оазистеринде ж-а Казакстандын түндүк райондорунда көп кездешет. Кыргызстанда Дромостуу көрүстөндөр Чаткал, Талас, Кетмен-Төбө, Баткен ж-а Алай өрөөндөрүндө кеңири тараган. Дромос хунн урууларына таандык деп эсептелинет.
А. К. Абетеков.