ДУБАН
ДУБАН (кытайча, дуан – аймак; арабча, диван – акимдик жыйын) – 17–18-кылымдарда, болжолу андан да арыраак мезгилдерде, кыргыз жергесинин жайгашуусу боюнча бөлүнгөн аймактардын аталыштары («Көл дубаны», «Жети-Суу дубаны» ж. б.). Дубандын ээлеген аянты абдан чоң чөлкөмдөрдөн турган («Дубандан чыккан жорго элем», Токтогул). Дубандар бир уруу же бир эле тайпа эмес, көптөгөн тайпалардан (уруулар) турган. Дубан орустар келгенге чейин аймактык башкаруу бирдиги да болгон.