ДУДКО
ДУ́ДКО Фёдор Иванович (25. 9. 1903-жылы туулган, Сума облусу, Тростянецк району, Гребениковка кыштагы) -- Даңк орденинин толук кавалери. Сов. Армияга Токмок шаарынан 1941-жылы ноябрда чакырылган.
2-Украин, 1-Белорус фронтторуна, Курск салгылашына катышкан. Днепрден өтүүдө, Украина, Румыния, Польшаны бошотууда, Берлинди алууда баатырларча күрөшкөн. Шпаков (Украина) кыштагы үчүн болгон салгылашта душмандын танкалык 4 чабуулунун мизин кайтарышып, бир танкасын талкалаганы үчүн 3-даражадагы Даңк ордени м-н, Скампе шаарынын (Чыгыш Померания) жанында 15 фашистти жок кылганы үчүн 2-даражадагы Даңк ордени, Берлиндин жанында болгон урушта душмандын бир нече пулемётун жок кылып, бронетранспортёрун күйгүзүп жибергени үчүн 1-даражадагы Даңк ордени м-н сыйланган. Дудко 2- ж-а 1-даражадагы Ата Мекендик согуш ордендери ж-а медалдар м-н сыйланган.