ДИФЕНИЛАМИН

ДИФЕНИЛАМИ́Н , (С₆Н₅)₂NH – мүнөздүү жыты бар, жарыкта карарып кетүүчү түссүз кристалл. Балкып эрүү t – 54–55°С; кайноо t – 302°С. Сууда эри­бейт, диэтил эфиринде, бензолдо, ацетондо, CCl₄ жакшы эрийт. Концентрациялык минералдык кислоталар м-н аракеттенишип, суюлтулган кислоталарда ж-а сууда гидролизденүүчү туздарды пайда кылат. Азот м-н байланышкан Н атому щелочтуу ме­таллдын атому м-н орун алмашууга жөндөмдүү. Арил, алкил ж-а ацил топторуна орун алмашуу­су анилинге караганда кыйыныраак жүрөт. Өнөр жайда дифениламин анилинди анын гидрохлориди м-н басым алдында 300°С ысытуудан ж-а Al₂O₃ ар­кылуу (400°С) анилиндин бууларын өткөрүү жолу м-н алынат. Дифениламин – полимерлер үчүн анти­оксиданттардын ысыкка ж-а атмосферага турук­туулугун жогорулатуу үчүн стабилизатор, жум­шак болоттордун коррозиясынын ингибитору катары, түрдүү синтездерде, азобоёктор ж-а три­метан боёкторун алууда, ошондой эле анализдик хи­мияда колдонулат.