ДҮЙШЕЕВ Арстанбек
ДҮЙШЕЕВ Арстанбек (16. 9. 1932, Чүй обл., Кемин р-ну, Кичи-Кемин айылы – 30. 6. 2003, Бишкек) – мамл. ж-а парт. ишмер, КРдин а. ч-сына эмг. сиң. кызматкер (1992); ветеринария илимд. кандидаты (1970). 1954-ж. К. И. Скрябин атн. Кырг-н мамл. а. ч. ин-тун бүткөн. 1954–57-ж. Ысык-Көл облусундагы Тоң р-нунун Тоң совхозунда башкы ветврач, 1957–60-ж. Нарын облусундагы Жумгал р-нунун Жумгал совхозунда директор, 1960–62-ж. Кырг-н КП Совет райкомунун секретары, Кырг-н КП БКда жооптуу уюштургуч, 1962–68-ж. Кырг-н КП Өзгөн райкомунун 1-секретары, 1968–71-ж. Кырг-н КП БКда секретарь, 1971–79-ж. Кырг-н КП Ысык-Көл обкомунун 1-секретары, 1979–81-ж. Кыргыз ССР Жогорку Советинин Президиумунун төрагасы, СССР Жогорку Советинин Президиумунун тө-
рагасынын орун басары, 1981–86-ж. Кыргыз ССР Министрлер Советинин төрагасы, 1986-жылдан Кырг-н Ветеринария ил.-из. ин-тунун директору болуп иштеген. Ал 20дан ашык ил. эмгектердин автору. Ил. эмгектери малдын кан мителери пайда кылуучу ылаңдарына каршы иш-чараларды иштеп чыгууга багытталган. СССР Жогорку Советинин (3 жолку), Кыргыз ССР Жогорку Советинин (6 жолку) депутаты. Үч Эмгек Кызыл Туу, Октябрь Революциясы, Манас ордендери ж-а медалдар м-н сыйланган. Бишкектеги «кыргыз мамлекеттүүлүгүн негиздөөчүлөр» аллеясында анын айкели тургузулган.