ДҮЙШӨКЕЕВ

ДҮЙШӨКЕЕВ Өмүркул (1934-жылы туулган, Нарын облусу, Ат-Башы району, Кара-Суу айылы) – айыл чарба илимдеринин доктору (1993), профессор (2002). КРдин илимге эмгек сиңирген ишмери (2000). К. И. Скрябин атындагы КАЧИни (1958), Кыргызстан мал чарба ИИИнин аспиран­турасын бүтүргөн (1964). Республикалык асыл тукум мал өстүрүү чарбасында зоотехник, Түштүк Кыргызстан тажрыйба чарбасында директордун орун баса­ры. Кыргызстан мал чарба илим-изилдөө институтунда илимий кызматкер, директор, директордун орун басары, республикалык мамлекеттик асыл тукум станциясынын дирек­торунун орун басары, 1994-жылдан Кыргызстан мал ­чарба илим-изилдөө институтунда бөлүм башчы. Бодо мал­дын физиологиясы, эмбриологиясы, генетика­сы боюнча адис. Ал 110дон ашык илимий эмгектин, анын ичинде 4 монография, 7 ойлоп табуунун автору.

Эмг.: Племенная работа в скотоводстве Киргизии. Ф.,1975; Новое в селекции молочного скота. Б., 1990.