ДҮКӨНӨК МӨҢГҮСҮ
ДҮКӨНӨК МӨҢГҮСҮ – Түркстан кырка тоосунун түндүк капталындагы татаал өрөөн тибиндеги мөңгү. Узундугу 5,0 км, аянты 5,3 км2. Каравшин суусунун алабынан орун алган. Мөңгүнүн башы деңиз деңгээлинен 4930 м, этеги 3480 м бийикте жатат. Кар чегинин бийиктиги 3888 м. Абляция облусунун аянты 1,6 км2. Фирн облусу кырка тоонун дого сымал ийилген кыры м-н чектелген жазы төрдү ээлейт. Мөңгүдөн Орто-Чачма суусунун (Каравшиндин сол куймасы) башаты – Дүкөнөк суусу башталат.