ДӨШҮ
ДӨШҮ – уста узанууга ылайыкталган чулу темир аспап. Анын үстүнкү бети жалпак, бир жагы жумуру, экинчи жагы төрт кыр учталып, дөңгөчкө бекитилет. Темир усталардын Дөшүсү чоң, оор, зергерлердики кичинекей, зер буюмдарын жасоого ылайыкталган. Уста металлды ысык
же муздак түрүндө Дөшүгө коюп кесет, көзөйт, созот, жалпайтат, түздөйт, ийет, миздейт, жумурулайт, кадайт жана башка керектүү иштерди жасайт. Дөшү көөрүк очогунан анча алыс эмес жерге орнотулат, анткени ысытылган темир сууй элегинде Дөшүнүн үстүнө коюлушу керек. Учурда Дөшү менен иштөө да механикалаштырылган.
Н. Мусуралиева.