ЕРМОЛОВА

ЕРМО́ЛОВА Мария Николаевна [3(15). 7. 1853, Москва – 12. 3. 1928, ошол эле жер] – орус актёру, Республиканын эл артисти (1920), Эмгек Баатыры (1924). Театр окуу жай­ын бүтүрүп (1871), Кичи театрда 1921-жылга чейин иштеген. Ермолованын белгилүү ролдору:

М. Н. Ермолова Эстрельянын ролунда. Лопе де Вега. «Севильянын жылдызы».

Иоанна д’Арк жана Мария Стюарт (Шил­лер, «Орлеан кызы», 1884; «Мария Стюарт», 1886), Лауренсия (Лопе де Вега, «Койлуу булак», 1876), А. Н. Островскийдин чыгармаларынан: Катери­на («Добул», 1873), Лариса («Сепсиз кыз», 1880), Евламея («Туткундар», 1880), Негина («Талант­тар жана таазим кылуучулар», 1881) жана башкалар. Ермолованын каармандарына туруктуулук, мээримдүүлүк, ли­ризм мүнөздүү. М. С. Щепкиндин, П. С. Мочалов­дун идеяларын, салттарын уланткан. А. С. Пуш­кин, М. Ю. Лермонтов, Н. А. Некрасов, Н. П. Ога­рёвдун лирикаларын көркөм окуган. 1970-жылы Ермолованын Москвада үй-музейи (А. А. Бахрушин атындагы Борбордук театр музейинин филиалы) ачылган.

Ад.: Щепкина-Куперник Т. Л. Ермолова. М., 1972.