ЖАСООЛ
ЖАСООЛ (түрк, ясаул, йасаул – башчы) – түз мааниде кароол башчысы. Кийинчерээк мамлекет башчыларынын буйрук, чечимдерин аткарып, улук, акимдерди жандап жүргөн адамды да Ж. деп аташкан. Падышалык Россияда аскердик наам катары (есаул) 1576-жылдан кабыл алынган. Колония саясатында жерг. бийликти чыңдоо үчүн Ж. кызматы Октябрь ревясына чейин пайдаланылган. Мис., Кырг-нда Ж. уезд башчысы, же болуш чабарманы кызматын аткарган.